| 
    
二人六日五夜日本豪華團成行
(豪華係因為YEN 貴呢......)
由一大朝早6點起身去機場(你睇下SO生個樣幾慘就知啦)
到日本成田機場落機再搭車到大9保已經係下晝5點
執執下野出發到新宿
可惜又落雨又凍又冇厚衫著又頭痛又支力
影相時仲可以笑得出已經好叻
                     
第二日一出發去原宿前我已經唔理三七廿一入左附近間藥房
梗係啦, 去日本冇奶由唔買化妝品ka ma!!!
但由於聽過星期六日有折0既傳說
我都係格下價忍下手先!!!
日本d product 0既包裝好靚
貴至名牌0既包裝靚, 平至汽水零食0既包裝都好靚
行原宿D人都唔夠開心, 行入裹原宿D人先即刻唔同晒囉
dinner 前d人話要返去放低d 野先
咁就留0係大9保附近食
食間hk都有0既白木屋囉
不過係好味d 0既hehehe
叫左勁多野食, 豪華團嘛哈哈
 
        
   
第三日去二子玉川浸溫泉
0係女更衣室除晒衫沖涼再赤裸裸浸落去
我發誓唔會同朋友仔去, 尷尬到呢....
不過真係幾舒服ga浸完之後
d人仲話自己由內到外都干淨晒喎, 大家明啦..........
浸完後再去涉谷
車站0既小丸子好好好好味, 雖然又係亂叫ga
見pancake車又走埋去買黎食
成5百幾yen, 香港都係廿幾之嘛!!!
dinner 又係返去放低野0係大9保附近食
sabusabu, 我想話, 我地入呢間野0既原因係外面有張紙仔寫住"內有中文菜單"
不過D quality OK 喎, 和牛靚到呢...我原本唔係好食牛都覺得好味好味
 
    
    
    
   
第四日去三鷹, 有人嬲我0係HK唔肯去尖沙咀買定三鷹之森0既入場卷
去到日本LAWSON 買已經賣晒lu
咁d 小朋友話要去門口影張相呃人話自己去過喎, 哈哈..
跟住就去吉祥寺睇櫻花影相
今日我大收穫, 0係間藥房度行黎行去睇黎睇去揀黎揀去諗黎諗去
勁多戰利品, 眼線眼影mascara濕粉乾粉base再加唇彩胭脂光影粉甲油洗面落妝toner
哈哈哈哈哈哈哈哈
0係呢間野留左成兩個鐘,
以後SO生見到個"藥"字都驚定先, wakakaka!!!
夜晚去返新宿搵野食
行左勁耐搵左勁耐
諗住再sabusabu
誰不知入左0個一間係尋晚食0個間0既分店囉!!!!
個煲d碗碟係一樣ka 囉我頂!!!
  
    
   
原本呢日d 小朋友話要去玩機動遊戲
不過落雨冇得去
之後佢就扮頭痛話要睏覺
叫左佢幾次先肯起身囉!!!
跟住就去淺草睇下廟祈下福咁
仲食到一間好地道0既拉面
夜晚又去新宿, d人打死都要去伊勢丹
有人大大大大大收穫啦!!!
 
LAST DAY 再去返原宿買野!!
有人著唔上條牛仔褲冇得買喎
NO SIZE FOR U LA BABY, HEHEHEHEEEE
行到兩點幾就要乖乖地返去坐車走lu~
今次行程都幾好丫
下次去要去代官山惠比壽六本木同埋箱根銀座池袋
我等你呀, 下年一月 (SO生而家一定好驚, WAKAKAKAKA!!!)
|
